Ժնևի ավտոսրահում տեղի է ունեցել նոր Audi Q2 ամենագնացի համաշխարհային պրեմիերան: Ընկերությունում նոր ավտոմեքենայի դիզայնը ստացել է "երկրաչափական" անվանումը:

"Նոր Audi Q2-ի համար մենք մշակել ենք չափազանց հստակ, նոր երկրաչափական լեզու, որը հիանալի համապատասխանում է ավտոմեքենայի տեխնիկական նկարագրությանը" - պատմում է մակնիշի գլխավոր դիզայներ` Մարկ Լիխտեն:

"Ես նույնիսկ կասեի, որ նոր Q2-ը առանձնանում է տվյալ մակնիշի ամենագնացների մեջ` ցուցադրելով իր "անկախ բնավորություն": 

Audi-ի ներկայացուցիչները տեղեկացրել են, որ նոր Q2-ում վարորդի նստատեղն ասես սեդանի նստատեղ լինի` ցածր է ղեկի նկատմամաբ, բայց տեսանելիությունը պահպանվել է այնպես, ինչպես իրական ամենագնացում:

Եվրոպական շուկայում ավտոմեքենայի վաճառքը կմեկնարկի 2016 թվականի աշնանը, իսկ պատվերները կնդունվեն արդեն տարվա կեսից: