"Mazda" ճապոնական ավտոմեքենաներ արդատրող ընկերությունը հետ է ընդունում ամբողջ աշխարհով մեկ արտադրված ավելի քան 60.000 ավտոմեքենաներ: Այդպիսի որոշման պատճառը ոչ թե գործարանային անսարքությունն է, այլ սարդերի անբացատրելի սերը դեպի ընկերության ավտոմեքենաները: Բանն այն է, որ այդ սարդերը (Cheiracanthium punctorium) սարդոստայն են հյուսում “Mazda 6” սեդան տեսակի ավտոմեքենաների վառելիքային համակարգում: Հարկ է նշել, որ վերոհիշյալ սարդերը թունավոր են և դրանց խայթոցը շատ ցավոտ է, ինչը կարող է հանգեցնել նեյկրոզի:

Սարդերը “բնակություն են հաստատում” բենզատարի գոլորշիացման խցիկի օդատար խողովակի մեջ: Սարդոստայնը փակում է այդ խողովակը, որի արդյունքում բենզատարում առաջանում է բացասական ճնշում, և վառելիքի հոսքն այրման խցիկ դադարում է: Բացի այդ, սարդերի գործողությունների արդյունքում բենզատարի մեջ կարող են առաջանալ ճեղքեր, ինչն իր հերթին կհանգեցնի հրդեհի:

Ընդհանուր առմամբ, հետ է ընդունվելու մոտավորապես 65.000 ավտոմեքենա, որոնցից 52.000` ԱՄՆ-ում, 15.000` Կանադայում, Մեքսիկայում և Պուերտո Ռիկոյում: Ընկերության դիլերները կհետազոտեն վառելիքային համակարգը և կվերացնեն սարդերին: Այնուհետև այնտեղ կտեղադրվի հատուկ զսպանակ, որը թույլ չի տա, որպեսզի թունավոր սարդերը կրկին ներխուժեն շարժիչի մեջ: