Facebook սոցիալական կայքի վարկանիշներն այնքան արագ են աճում, որ բազմաթիվ կազմակերպություններ ցանկանում են այդ առավելությունն օգտագործել` հետապնդելով իրենց իսկ շահերը: Առաջիններից մեկը դա արեց գերմանական Porsche ընկերությունը` թողարկելով Cayman S մոդելի հատուկ տարբերակը` նվիրված Facebook-ում իրենց էջին երկրպագողներին: Ավտոմեքենան ամբողջովին պատված է Porsche-ի “ֆեյսբուքյան ընտանիքի” բոլոր 2 մլն. անդամների դիմապատկերներով: Ավտոմեքենայի թափքի նման յուրահատուկ ձևավորումն ապահովելու համար ընկերությունը հատուկ թույլտվություն է խնդրել յուրաքանչյուրից` ստանալու տվյալ անձի իր իսկ ֆեյսբուքյան էջում տեղադրված գլխավոր նկարի օգտագործման իրավունքը:

Այս ամենին հաջորդեց Porsche-ի հետաքրքրասիրությունն ավտոմեքենային ավելի հետաքրքիր երանգ հաղորդելու վերաբերյալ: Ընկերության երկրպագուներն ընտրեցին Porsche 917 K օրինակը, որը սպիտակ և կարմիր գույների համադրություն էր` հայտնի Le Mans-ի առաջնություններում որպես հաղթանակ տարած ավտոմեքենա:

Ընկերության երկրպագուներին նվիրված այս բացառիկ ավտոմեքենան արդեն իր տեղն է գտել Շտուտգարտում գտնվող Porsche-ի թանգարանում և հունվարի 27-ին արդեն իսկ կներկայացվի հանրությանը: Ուշադիր զննեք ավտոմեքենան` միգուցե նաև Ձեր նկարն է հայտնվել այնտեղ: