Հետևի նստատեղի ուղևորների համար նախատեսված փչովի ամրագոտիները Ford ընկերությունն առաջին անգամ ներկայացրել է դեռևս Explorer 2011 ամենագնացի համար: Վթարի ժամանակ ամրագոտիները նախատեսված են նվազեցնել գլխի, պարանոցի  և կրծքավանդակի վնասվածքները հետևի նստատեղի ուղեորների մոտ, որոնց թվում առավել հաճախ լինում են ծերերն ու երեխաները: Այժմ անվտանգության այս միջոցը հասանելի է դարձել  նաև Fusion 2014 մոդելի համար:
Այնուամենայնիվ, շատերը թերահավատորեն են վերաբերվում ստեղծված ամրագոտիների օգտակար գործառնականությանը: Տարածված է այնպիսի կարծիք, որ այս ամրագոտիները կարող են խախտել մանկական նստատեղերի անվտանգությունը, որոնք ի սկզբանե նախատեսված չեն փչովի ամրագոտիների հետ օգտագործման համար: Նմանատիպ անվտանգության համակարգ առաջարկում է նաև Mercedes-Benz ընկերությունն իր S-Class ավտոմեքենաների համար, և որևիցե խնդիր կապված մանկական նստատեղերի օգտագործման հետ մինչ օրս ի հայտ չի եկել: