Բնակավայրերի 80% և մայրուղիների ավտովթարների 65%-ը հիմնականում կապված են այս կամ այն տեսակի սննդամթերքի պատճառով վարորդների ուշադրությունը շեղելու հետ:

Քլիվլենդի ապահովագրական ընկերություններից մեկի հետազոտության արդյունքում կազմվել է մի ցուցակ, որտեղ տեղ են գտել այն 10 սննդամթերքները, որոնց պատճառով առավել հաճախ են տեղի ունենում ավտոպատահարները`

1. Սուրճ` նույնիսկ եթե այն հատուկ հարմարեցված բաժակում է, կամ եթե վարորդը սուրճի մեջ առույգացնող հեղուկ է լցրել: Այսպես թե այնպես տաք սուրճը կարող է թափվել բաժակից ու վթարի պատճառ դառնալ:

2. Տաք ապուրը, որը նույն պատճառով է վտանգավոր, որով և սուրճը:

3. Տաք կարկանդակը, որի լցոնը կարող է թափվել և աղտոտել մեքենայի սրահը:

4. Նրբերշիկը կծու սոուսով, որն իր հերթին կարող է ծորալ հագուստի վրա և կեղտոտել այն:

5. Համբուրգերը, որի միջուկում եղած խոլեստերինով լի զանազան սոուսները նույնպես կարող են կեղտոտել ինչպես վարորդի հագուստը, այնպես էլ նրա ձեռքերը:  

6. Խրթխրթան հավի թևիկները, որոնք հաճախ դրդում են մարդուն լիզել մատները, որի հետևանքով էլ ղեկը կարող է սահել մատների արանքով:

7. Տապակած ճուտը, որի պատճառով ձեռքերը պատվում են յողով:

8. Դոնդողի միջուկով բուլկիները, որի դեպքում միջուկի դուրս թափվելու հավանականություն կա:

9. Գգազով զովզցուցիչ ըմպելիքը, որը հաճախ ծակծկում է քիթը, բացի այդ փականի տակից այն կարող է ծորալ:

10. Շոկոլադը, որը հիմնականում քսվում է վարորդի մատներին, հետևաբար և ղեկին` դրանով իսկ սահման վտանգ առաջացնելով: