Հավանաբար, բոլորն էլ կմտաբերեն "Վաղը երբեք չի մահանա" կինոնկարի հայտնի տեսարաններից մեկը, որտեղ Ջեյմս Բոնդն իրեն է մոտեցնում BMW մակնիշի ավտոմեքենան կոճակի մեկ հպումով: Մի փոքր Ջեյմս Բոնդ հիմա իրեն կարող է զգալ յուրաքանչյուր նոր Toyota Prius-ի սեփականատերը, որի ցուցադրությունը տեղի է ունեցել վերջերս Տոկիոյում ավտոսրահներից մեկի ժամանակ:

Ավտոմեքենան կկատարի  ձեր յուրաքանչյուր հրահանգը, որը դուք կուղարկեք ձեր հեռախոսից (սմարթֆոնից): Կոճակի մեկ հպումով միանում է հրահանգները ճանաչող տեսախցիկը, իսկ ավտոմեքենայի շահագործման ավտոմատ համակարգի չորս լազերային ճառագայթները հայտնաբերում են ճանապարհին հանդիպող բոլոր արգելքները` դրանով իսկ հնարավորություն տալով մեքենայն շրջանցել դրանք:

Toyota Prius-ի հնարավորություններն արդեն հասցրել են բոլորին զարմացնել: Ավտոմեքենան գործում է լիովին ինքնուրույն` առանց վարորդի օգնության, որն այս դեպքում, թվում է թե ավելի կխոչընդոտեր ավտոմեքենայի ընթացքին:

Չնայած այն բանին, որ ավտոարտադրողներն ամենևին էլ չեն ենթադրում վարորդի բացարձակ բացակայությունը ղեկին, այնուամենայնիվ ավտոմեքենայի կայանումը կարող է իրականացվել նաև առանց նրա: Prius-ը կարող է "ինքն իրեն կայանել"` նույնիսկ առանց վարորդի առկայությանը ղեկին, ընդ որում` դա իրագործելով շատ ավելի ճշգրտոորեն և հաշվարկված: