Լոգոներն աննկարագրելի մեծ դեր են խաղում բրենդերի ստեղծման մեջ,նամանավանդ, երբ խոսքը գնում է ամերիկյան այնպիսի մի ավտոմեքենայի մասին, որն իր ետևում է թողել ամբողջ մի պատմություն: Խոսքը Dodge Viper-ի մասին է:

Թունավոր օձը վերջին երկու տարիների ընթացքում խորը քնի մեջ էր գտնվում, մինչև որ ընկերությունն որոշեց նորից կյանքի կոչել այն` նրան նոր լուծումներ հաղորդելով: Հետևելով Sneaky Pete-ի ("Ստոր Փիթը"), Fangs-ի ("Ժանիքներ") օրինակներին, Dodge ընկերությունը հպարտորեն հանրությանն է  ներկայացնում Stryker-ին ("Սթրայքեր")` Viper-ի թվով երրորդ պաշտոնական լոգոն:

Վերջինիս արտաքին տեսքի աշխատանքները կատարել է Chrysler ընկերության դիզայներ և Viper-ի սեփականատեր Վինս Գալանտեն: Նոր լոգոտիպի առանձնահատկությունն է օձի յուրովի լուծում ստացած գլուխը, որի տեսքը միայն արդեն ագրեսիա է հաղորդում: