Կոմպակտ ավտոմեքենաները եվրոպական ավտոարտադրող ընկերությունների բիզնեսի բաղկացուցիչ մասն են կազմում: Peugeot ընկերությունը, ևս մեկ անգամ ապացուցելով դա, ստեղծեց 208 մոդելի նոր ավտոմեքենա:

Նոր 208 մոդելը հասանելի կլինի 3 և 5 դռնանի տարբերակներով, իրենից ներկայացնելով լիովին վերափոխված ավտոմեքենա: Ինչ վերաբերվում է անիվներին, ապա դրանք փոփոխության չեն ենթարկվել, ինչը չենք կարող ասել ավտոմեքենայի դիզայնի մասին: Ընկերության ներկայացուցչի հավաստմամբ ավտոմեքենայի սրահը, ի տարբերություն 207 մոդելի, ավելի ընդարձակ է լինելու: Նունպես նվազել է ավտոմեքենայի քաշը:

Նոր մոդելի մեքենան ունենալու է 1.0լ կամ 1.2լ և 75 և 100 ձիաուժ հզորությամբ շարշիժ` ստեղծված փոխարինելու 207 մոդելի 1.4լ և 1.6լ շարժիչները: Բացի այդ, ավտոմեքենան համալրվելու է հիբրիդային համակարգով` “ստարտ” –ի և “ստոպ” –ի հնարավորություններով, կնվազեցվի վառելիքի ծախսը, ինչպես նաև` վնասակար արտանետումների քանակը օդ: