Ռումինական AutoK9 ընկերությունը, որը մասնագիտացված է Dacia մակնիշի ավտոմեքենաների ձևափոխությունների վրա, հերթական նախագիծն է իրականացրել:  

Նորույթը երկրորդ սերնդի Duster քրոսովերի վերածնունդն է շքեզ կաբրիոլետի:

Այն ստեղծվել է ավտովթարի հետևանքով բավականաչափ վնասված ավտոմեքենայից, որի վերականգնման և ձևափոխման համար պահանջվել է 4 ամիս ժամանակ և 30.000 եվրո գումար: Արտաքին փոփոխություններից հետո քրոսովերն ունի ընդամենը երկու դուռ, իչպես նաև փոփոխությունների է ենթարկվել ռադիատորի ցանցը, լայնացվել են անիվային կամարները, իսկ անվասկավառակները փոխարինվել են սև գույնով:

Սրահի նստատեղերը պատված են սպիտակ կաշվով՝ թարմացված փայտե դեկորատիվ էլեմենտներով: Ավտոմեքենան նաև հագեցած է մուլտիմեդիա համակարգով՝ Tesla-ի և Volvo-ի նոր մոդելների ոճի համաձայն: