Hyundai ընկերությունն իտալական Prada ապրանքանիշի հետ համատեղ ստեղծել են Genesis սեդանի նոր տարբերակ, որն արտադրվելու է սահմանափակ քանակությամբ:

Այս պահին Hyundai Genesis Prada-ն հանդիսանում է հարավկորեական ապրանքանիշի ողջ պատմության ընթացքում երբևէ գոյություն ունեցած ամենաթանկարժեք ավտոմեքենաներից մեկը: Ավտոմեքենան հնարավոր կլինի ձեռք բերել հետևյալ 3 գույներով` Black Nerο (սև), Blue Balticο (կապույտ) և Brown Morο (կարմիր): Ավտոմեքենան աչքի է ընկնում իր արտաքին հարդարանքով` պատված մուգ քրոմով, 19 դյույմանոց անիվներով և արտասովոր դիզայներական լուծում ստացած արտաքին անտենայով:

Սեդանի սրահը կաշվեպատ է, այն էլ բարձրորակ Saffiano տեսակի կաշվով, ինչը չափազանց շքեղ տեսք է հաղորդում ավտոմեքենային: Բացի այդ սրահը հագեցած է բարձրորակ տեխնիկայով, որն անտարբեր չի թողնի սրահի ուղեվորներին:  

Ընդհանուր առմամբ կարտադրվի 1200 Genesis Hyundai Prada սեդաններ, որոնց հիմնական մասը նախատեսված է տեղական շուկայի համար: Ավտոմեքենաների միայն մի մասը կարտահանվի Չինաստան և Մերձավոր Արևելք: