Tesla ընկերությունը պատրաստվում է իր նոր, սկսնակ մակարդակի Model 3 ավտոմեքենայի արտադրությանը: Համաձայն ոչ հավաստի աղբյուրների տրամադրած տեղեկատվության՝ նորույթը կսկսեն արտադրել փետրվարի 20-ին:
Դեռևս հայտնի չէ թե ամերիկյան ընկերությունը քանի ավտոմեքենա է պլանավորում թողարկել սկզբնական փուլում բայց ենթադրվում է, որ խմբաքանակը մեծ չի լինելու:  Հիշեցնենք, որ նախորդ տարի երբ մոդելը ներկայացվեց հասարակությանը՝ Tesla-ն խոստացավ սկսել մոդելի լիարժեք արտադրությունը 2017 թվականի հուլիսին: Կհասցնի արդյոք ավտոարտադրողը վերջնաժամկետին թե ոչ, դեռևս հայտնի չէ: Ամեն դեպքում, նախկինում այն ուշացումներ գրանցել է  կապված նոր մոդելների թողարկումների հետ: Առավել ևս՝ համաձայն վերջին տվյալների, Model 3-ի դիզայնը ենթարկվել է  որոշակի փոփոխությունների, ինչը նշանակում է, որ վերջնական մոդելի մշակման աշխատանքները դեռևս ավարտված չեն: