Դեպքը տեղի է ունեցել ԱՄՆ-ում 2011 թվականի արտադրության ավտոմեքենայի սեփականատիրոջ հետ: GM-ն շտապ սկսել է հետ ընդունել մեքենաները:

Ավտոմեքենան սլանում էր մայրուղիով ավելի քան 100 կմ/ժ արագությամբ, երբ հանկարծակի նրա ղեկը դուրս է թռնում: Վարորդը հասցնում է որոշ չափով դանդաղեցնել ավտոմեքենայի ընթացքը, սակայն, միևնույն է չի կարողանում վերահսկել այն, ինչի հետեվանքով մեքենան բախվում է մոտակա ցանկապատին: Ավտոմեքենայի տիրոջ կինը, մայրը և մեկուկես տարեկան երեխան, որոնք գտնվում էին մեքենայի մեջ, բախման ժամանակ բարեբախտաբար վնասվածքներ չեն ստացել: 

Այս պատահարի հետևանքով General Motors-ը շտապ հայտարարել է 2011 թվականի ամերիկյան արտադրության 2,1 հազար Chevrolet Cruze ավտոմեքենաների հետ ընդունման մասին: Ղեկի դուրս թռնելը պատճառաբանում են արտադրության ժամանակ թույլ տված անսարքությամբ: