Toyota ընկերությունն ուսումնասիրում է իր նոր C-HR ամենագնացի "թեժ" տարբերակը թողարկելու հնարավորությունը:

Ի սկզբանե ընկերությունը չէր պատրաստվում թողարկել C-HR-ի սպորտային տարբերակը, սակայն, կապված "լիցքավորված" ամենագնացների նկատմամբ աճող հետաքրքրության հետ՝ ավտոարտադրողի ծրագրերը կվերանայվեն: Ենթադրվում է, որ եթե Toyota-ի ղեկավարությունը հավանություն տա նախագծին՝ ապա "թեժ" ամենագնացը  դիլերներին կհասնի 2018 թվականից ոչ շուտ: Նորույթի գլխավոր մրցակից կարող է հանդիսանալ Nissan Juke Nismo-ն:

Հաջորդ ամիս ավտոմեքենան կմասնակցի դիմացկունության մրցավազքին, որը տեղի կունենա Նյուրբուրգրինգ մայրուղում:

Եվրոպական շուկայում Toyota  C-HR-ը կհայտնվի ընթացիկ տարվա ավարտին: