Արդեն երրորդ տարին անընդմեջ սպիտակ գույնի ավտոմեքենաները դարձել են ամենապահանջվածն ամբողջ աշխարհում` պահպանելով իրենց առաջատար դիրքերն ամենամեծ պահանջարկ ունեցող ավտոներկերի վարկանշային աղյուսակում: Չորս գնորդներից մեկը նախապատվությունը տալիս է հենց սպիտակ գույնին:Ավելի քան տաս տարի առաջատար է համարվել  արծաթագույնը, սակայն այս տարի սև գույնի հետ միասին  նրանք կիսում են երկրորդ տեղը, որոնց հաջորդում են կարմիր, կապույտ և  կանաչ գույները: Ըստ PPG Industries-ի` աշխարհում ներկերի խոշորագույն մատակարարի, այս տարի ցուցակն էական փոփոխություններ չի կրել: