Nissan-ի բրազիլական ստորաբաժանումն ազդարարել է ևս մեկ` նոր Kicks-SL ամենագնացի պատվերների ընդունման սկիզբը:
Նոր տարբերակն ավելի էժան կլինի քան Rio 2016 հատուկ տարբերակը, որի պատվերները Բրազիլիայում սկսել են ընդունել անցած շաբաթվանից: Կոմպակտ Nissan Kicks SL-ը հասանելի է սև, արծաթագույն, սպիտակ և շագանակագույն գույներով: Այս տարբերակի ներքին հարդարանքի համար նախատեսված է մի քանի գույն, մինչդեռ, Rio 2016-ի համար միայն սև գույնը: 

Այս պահին Kicks կարելի է պատվիրել միայն Բրազիլիայում և միայն ինտերնետով, քանի որ, ամենագնացի <<կենդանի>> վաճառքն այս երկրում  կմեկնարկի ընթացիկ տարվա օգոստոսի 5-ին: Հիշեցնենք, որ ի տարբերություն SL տարբերակի, որի թողարկումը սահամանփակ չէ, Օլիմպիական Խաղերին նվիրված Rio 2016-ից կթողրկվի միայն 1.000 օրինակ: Սահմանափակ քանակությամբ յուրաքանչյուր ամենագնաց կստանա սերիական համար և հատուկ շարքի անվամբ լոգո: